seinasti séns

að hitta á mig á Íslandi er í dag eða á morgun...

Þá eru liðnir næstum því 3 mánuðir frá því að ég flutti inn á mömmu og ekki seinna vænna að koma sér aftur til síns heima. Það hefur að mörgu leiti verið fínt að vera heima en ég hef nú líka saknað Danmörku og fólksins míns þar. Maður fær alltaf smá heimþrá þangað sem maður er ekki.

Annars er ég að reyna að vesenast i brúðkaupsundirbúningi þessa dagana, það eru svo margir búnir að biðja um allskonar upplýsingar og óskalista sem ég ætla að reyna að berja saman á eftir.

Já, svo var ég að plana að fara Fimmvörðuhálsinn 10.júli og gista í Langadal i Þórsmörk (allt fullt í Básum)var að vonast til að sem flestir nenntu að fara með. Hugsa að við fáum líka nokkra norsara með í ferðina ef þeir eru ekki búnir að plana eitthvað merkilegra. Látið heyra í ykkur ef þið ætlið með :o)

Ekki meir i bili

Atburðir helgarinnar

Þá er ég loksins komin með eitthvað fréttnæmt.

Ég rétt klikkaði á að fara á árshátið með Skurðdeildunum og Svæfingunni á spítalanum á föstudaginn, fór i staðinn út að borða með Berglindi og á rúntinn með Þóru. Fékk bara hið besta kvöld út úr því. Var samt farið að langa svolítið mikið á ballið en fegin að ég lét það vera - það kom sér vel á laugardaginn að vera ekki þunn og þreytt :o)

Haldiði ekki að stelpurnar frá Sigló hafi ekki látið ná í mig á mótorhjóli og drifið mig í bæjarferð! Fékk þetta líka fína slör og fallega kjól að láni við Smáralindina og hófst þar mission Gugga gæs :o)Fékk aðeins að ganga um og gera mig að fífli,sem betur fer var búið að hella aðeins á mig fyrst. Ég átti að safna kossum og þessháttar og fá svo kvittun fyrir öllu saman, hélt að það yrði erfiðast að fá hár úr jómfrú eða að versla brúðarnærföt á dönsku, en til og með það gékk vel :o)

Svo drifu skvísurnar mig með í bláa lónið (vorum svo heppnar að þær eiga góða bræður og maka sem reddu transporti og ýmsu öðru). Þar spókaði ég mig í þessum líka fína tiger sundbol og auðvitað með slörið líka. Ég gleymdi samt alveg að vera vandræðaleg fyrir múnderinguna þegar ég fékk nudd í lóninu - Það var æði! Fannst það minna æði þegar ég sá að það var gamall "kunningi" í lóninu líka, hehe.

Þaðan var svo haldið heim til Gústa bróðir Valdísar sem hafði lánað okkur íbúðina sína og þar gerðum við okkur fínar og sætar áður en við héldum út að borða. Stefnan var upphaflega á Ítalíu en því var breytt í Madonnu þegar kom í ljós að við vorum ekki alveg á skema og ekki hægt að breyta borðapöntuninni.. það var bara hið besta mál þrátt fyrir breytingarnar (sem ætluðu að taka Unu útaf laginu)því í staðinn fengum við bara einkasöng hjá sjálfri Idol stjörnunni. Þurftum aðeins að plata hann úr óvíssupartýi hinum megin á staðnum en það gékk alveg ljómandi.

Eftir góðar veitingar og huggulegheit fórum við svo áfram í partý til Vigdísar og Þórðar, þar var okkur tekið með opnum örmum og til og með sett á fót sýning fyrir gæsina. Ég var samt farin að skemmta mér svo vel að þarna datt minnið aðeins út og því komin smá göt í frásögnina þegar hér kom við sögu. En það endaði allt vel, við komumst í bæinn en ég stoppaði stutt, fékk fylgd heim og haldiði ekki að Valdís hafi ekki bara gist uppí hjá mér eins og í gamla daga. Fengum svo vöfflur í morgunmat og rifum okkur í Smáralindina, hef aldrei farið svona þunn út að versla en frænka átti afmæli og varð að fá pakka.

Jæja, nóg að gera hjá mér, verð að þjóta, á að fara að borða með Sirry eftir smá og er ekki farin að taka mig til.

helgarnar

Aftur breyting, búin að skipta sunnudeginum þessa helgi yfir i ad vinna laugardaginn næstu helgi.. er því aftur i fríi þessa helgina en ekki næstu.

Bara svona að láta vita :o)

RED DAYS

Ég elska rauða daga... ekkert betra en frí á mánudegi, sérstaklega þegar maður hefur verið að vinna alla helgina. Ef það væri ekki fyrir rauðu dagana um páskana og núna væri ég líklega löngu búin að gefast upp á íslandsdvölinni.

Annars styttist nú hratt í að ég fari, ekki einu sinni 3 vikur eftir núna. Ég sem átti að vera í fríi næstu 2 helgar hef nú verið neydd til að vinna sunnudaginn næsta en bara til 4. Ég var búin að segja nei við vinnu föstudaginn, laugardaginn og gat bara ekki staðið nógu fast i fæturnar til að segja nei þegar ég var beðin um að redda sunnudeginum... get verið svo óttaleg rola stundum.

Annars er lítið fréttnæmt..

Binni kominn og farinn

Þá eru páskarnir komnir og farnir og Binni líka. Hann kíkti á mig aðeins um helgina og við höfðum það voðalega huggulegt saman. Veit ekki alveg hvað við vorum að spá þegar við ákváðum að ég færi hingað heim að vinna. Nú eru samt bara rúmar 3 vikur þar til ég fer aftur út svo þetta hefst nú alveg. Það kom seinkun á vélina hans út og ég var bara hæst ánægð með það að greyið fengi ekki að fara heim svo ég fengi að knúsa hann aðeins lengur.

Nú er svo bara hörku vinna næstu vikuna og svo er ég i fríi fyrstu 2 helgarnar í mai, enda ekki seinna vænna þar sem ég hverf svo af landi burt. Ætla mér að taka amk eitt gott djamm áður.

Annars er ég frekar neikvæð i dag, það pirrar mig mikið hvað krónan er að falla i gildi, það hverfa bara allir peningarnir mínir og allt verður orðið þeim mun dýrara í sumar þegar við þurfuð að punga út fyrir veislunni. Gerist líka svo hratt :o(
Svo vilja þeir i DK ekki einu sinni athuga hvort hægt sé að meta vinnuna hérna fyrir kandidatsárið af því að ég er hérna bara i 2 og hálfan mánuð en ekki 3, þó að ég vinni miklu meira en þeir gera á 3ur mánuðum úti. Það er stundum allt svo ferhyrnt hjá dönunum varðandi allt svona.

Ja, gott að það er ekki allt jafn slæmt, Anna litla sys á afmæli i dag og er bara orðin nokkur stór, man að mér fannst það amk þegar ég var 19.
Shit hvað tíminn flýgur!

Páskafrí

Já þá er ég loksins komin í langþráð páskafrí, ekkert smá ánægð með það enda fyrsta skipti i fjölda ára þar sem ég þarf ekki að eyða páskafríinu sveitt yfir bókunum heldur get gert það sem mér sýnist. Svaf út í morgun og er svo búin að eyða deginum í faðmi stórfjölskyldunnar við spilamennsku og nammiát. Restina af páskunum ætla ég að eyða í samskonar vitleysu, væri samt gaman að komast á skíði en ég á enn eftir að sannfæra einhvern með mér í slíkann leiðangur.

Undanfarið hefur nú frekar lítið verið í fréttum, Það er farið að ganga betur i vinnunni og suma daga er meira að segja pínu skemmtilegt. Svo kom pabbi suður með liðið, fór meðal annars í bío með bræðrum mínum þar sem Guðmundur vakti mikla lukku. Það var loðfíll að hrósa öðrum loðfíl (ice age 2) á því hvað hún væri nú myndarleg með stóra rassinn sinn þegar hann segir hátt og skýrt yfir allt, "alveg eins og þú Gugga, þú ert líka með svo stórann rass" en ég held að hann hafi ekki fattað að þetta væri annað en hrós fyrir mig :o)

Laugardagslukkan

Já ég er svo ánægð með að það sé komin helgi. Svaf út i morgun og er ennþá bara að dúllast um á náttbuxunum, voða notalegt svona stundum. Plan dagsins er að koma sér i ræktina (mest til að fara i sturtu og nota góða sléttujárnið þeirra) og svo að kíkja á fermingjargjafir fyrir morgundaginn. Svo verð ég víst að gera heimavinnuna en ég varð þess dubiösa heiðurs aðnjótandi að fá að vera með tímaritafund fyrir alla skurðlæknana eftir helgi - hefði alveg viljað vera án þess en það getur ekki tekið of mikinn tíma.

I kvöld ætlum við frændsyskinin svo að koma saman og halda spilakvöld, það verður bara gaman :o)Er ennþá að vega og meta hvort ég eigi að koma við í ríkinu fyrir þann fund eða hvort ég eigi að vera hress á morgun. Ég er búin að vera voðalega ódugleg við að djamma, fer að koma að því að geri eitthvað sniðugt.