Gleðilega hátið

Við erum búin að hafa það svo gott hjá mömmu um jólin og núna er verið að taka sama pakkann hjá pabba á Sigló. Komumst norður rétt fyrir óveður og búin að hafa það fínt. Tókum forskot á áramótin í gær hjá Valdísi í svaka kalkúnaboði, en ég var svo þreytt eftir aksturinn fyrrinóttina að ég bailaði á ballinu með Páli Óskari... hefði nú verið gaman að fara.

Nú er svo bara tekið því með ró í dag og látið dekra við sig, svo á að áramótast aðeins á eftir og heimsækja fólk á morgun og sína piltinn.

Jæja, mínar bestu óskir um gleðilegt nýtt ár!

Praktískar upplýsingar

Ég verð hjá mömmu yfir jólin en fer til pabba um áramótin, svo verð ég aftur hjá mömmu áður en ég fer aftur út 8.jan snemma.

Síminn hjá mömmu: 4213549 og adressan: Hjarðarhagi 43, 107 Rvk.
Síminn hjá pabba: 4671367
Síminn minn á Íslandi: 8671482 (þarf að opna fyrir hann fyrst)

Þá er hægt að ná í mig :o)

Lengi síðan seinast

Já, þessi síða hefur heldur betur legið á hakanum, ef þið viljið fréttir þá er líklegast að finna þær á heimasíðu litla prinsins www.barnanet.is/litlastorakrili

Ég er að byrja að pakka fyrir ferðina til Íslands, við mæðginin förum heim á mánudaginn og svo kemur pabbinn á eftir rúmum sólarhring seinna. Hann er núna á Bretlandi á einhverskonar ráðstefnu svo við erum bara ein heima. Sá stutti ákvað að nota tækifærið og stríða mömmu sinni með því að gráta frá 10 til 4 tvær nætur í röð.

Það lá við að ferðinni heim yrði frestað. Í gær kom í ljós að ég þyrfti að fara í smá aðgerð. Alveg týpiskt fyrir mig að flækja málin aðeins, svona fyrst það var hægt. Mér tókst að fá aðgerðinni frestað þangað til ég kem aftur út og nú vona ég bara að ekkert komi uppá heima.

Annars erum við bara hress og ánægð hérna í Helsingör.

Orðin stór

Sunna og Óli eignuðust loksins fyrsta erfingjann í gærkvöldi. Óska þeim innilega til hamingju með fallegan dreng. Bíð nú voðalega spennt eftir að fá grænt ljós til að heimsækja þau.

Annars var ég að vona að Sunna hefði getað setið á sér fram yfir miðnætti svo að ég fengi prinsinn i afmælisgjöf.

Trabantinn er 50 ára i dag svo ég er bara unglamb miðað við hann, líður líka alveg eins og þegar ég var 16. Mér finnst ég ekkert vera orðin gömul en skrítið samt að vera orðin þrítug... man þegar ég var krakki þá var það heldur betur fullorðið fólk.

Anna systir er búin að vera hjá mér núna í tæpar 2 vikur, búið að vera svo gott að hafa hana hérna. Pabbi og co eru líka nokkuð nýfarin aftur til Íslands. Tíminn flýgur bara áfram og áður en ég veit verður allur gestagangurinn bara búinn. Það er búið að vera yndislegt að fá allt fólkið sitt í heimsókn og ég á eftir að sakna þeirra mikið, en á sama tíma er kanski komið að því að ég þurfi að hvíla mig aðeins á daginn og dunda mér bara með litla prinsinum. Ég hef nefnilega ekkert breyst frá því að ég var lítil baun, finnst ég alltaf vera að missa af einhverju, hef því ekki getað slitið mig lausa frá gestunum síðasta mánuðinn.

Jæja, ætla að hjálpa Önnu við baksturinn, hún er búin að baka fyrir heilann her svo ekki hika við að kíkja í kaffi og kökur ef þið eigið séns á því.

Full time job!

Mamma komin og farin, var voðalega gott að fá hana i heimsókn til okkar. Við höfðum það bara huggulegt og tókum lífinu með ró, labbitúrar i bænum og svo bara hangið heima og leikið við litla prinsinn.

Anna kemur svo út um helgina (fyrst til Ástu og svo til mín), búin að tala við hana 3var i dag... sú ætlar aldeilis að spilla okkur með bakstri og luxus meðferð - hún er yndi :o)

Annars er lítið í fréttum, ég er búin að vera hálf lasin en er á bataleið, enn pínu þreytt en litli stubbur svaf loksins betur í nótt... vona að það verði að vana. Greyið er búinn að vera með allskonar smákvilla en ég trúi því að það sé allt að lagast núna.

Annars er það bara full time job að vera orðin mamma! Verð duglegri að skrifa og senda póst þegar ég er kominn betur inn í nýja starfið.

Bara tjill

Já þessa dagana er ekki gert neitt mikið meira en slappað af og gefið brjóst, litli gaur dafnar vel og allir eru í skýjunum. Tengdó er í heimsókn fram yfir helgi og svo fáum við nokkrar smáheimsóknir á meðan, fullt til af fólki sem vill skoða litla kút.

Annars er ekki svo mikið í fréttum hérna úr kofanum.

Prinsinn kominn á netið

Já nú er prinsinn kominn á netið. Við eigum ennþá eftir að fínpússa síðuna en endilega kíkjið á hann hérna. Sendið mér bara mail til að fá adgangsorðið.

Við fengum að fara heim af spítalanum á fimmtudaginn. Erum búin að vera bara heima í rólegheitunum. Fyrst fékk sá stutti gulu og augnsýkingu en hann er að mestu leiti búinn að losna við hvort tveggja núna og er allur hinn hressasti. Hann hefur þó allann tímann verið fullur af orku á nóttinni og duglegur við að halda okkur vakandi :o)

Nú bíðum við bara spennt eftir heimsóknum héðan og þaðan, bara að slá á þráðinn ef ykkur langar að kíkja á okkur. Við förum til Köben á morgun i blóðprufu, svo kemur mamma Brynjulfs á þriðjudaginn og verður fram yfir helgi.

Ég er nú ekki líkleg til að skrifa svo mikið hérna næstu dagana, orkan fer í að sinna honum og kanski að skella inn nýjum myndum á hans síðu.

Kveðjur